raafat2.com
تتمنى إداره منتديات رأفت الجندى لجميع الأعضاء والزوار إقامة طيبه معنا ونسأل الله لكل عضو أن يفيد و يستفيد والله الموفق أخبار الإداره



أهلا وسهلا بك إلى منتديات الجندى التعليمية - رأفت الجندى.
أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، وفي حال رغبت بقراءة المواضيع والإطلاع فتفضل بزيارة القسم الذي ترغب أدناه.

الرئيسيةبحـثالأعضاءالتسجيلدخولاليوميةس .و .ج
المواضيع الاخيره
سلسلة ابن عاصم اللغة العربية الصف الأول الإعدادي الفصل الدراسي الأول 2019  من طرف  أنور قاعود الصغيرملزمه شرح الادب للصف الثالث الثانوى 2018  من طرف  أنور قاعود الصغيرمذكرة الطريق إلى الإعراب في النحو للصف الثالث الثانوي  من طرف  أنور قاعود الصغيرمذكرة القراءة للصف الثاني الثانوي الفصل الدراسي الاول 2019  من طرف  أنور قاعود الصغيربيان عاجل بخصوص تنسيق الجامعات لطلاب الشهادات الفنية 2018  من طرف  أنور قاعود الصغيركراسة إملاء وامتحانات لغه انجليزية للصف الثالث الابتدائي ترم أول Time for English 3  من طرف  زكى محمد كودكراسة تسميع وخط وامتحانات لغه انجليزية للصف الرابع الابتدائي ترم أول Time for English 4  من طرف  زكى محمد كودكراسة تسميع وخط لغه انجليزية للصف الخامس الابتدائي ترم أول Time for English 5  من طرف  زكى محمد كودكراسة خط واملاء وامتحانات لغه انجليزية للصف الثاني الابتدائي ترم أول Time for English 2  من طرف  زكى محمد كودكراسة تسميع وخط وامتحانات للصف السادس الابتدائي لغه انجليزية ترم أول2018 Time for English 6  من طرف  زكى محمد كود


منتديات الجندى التعليمية - رأفت الجندى :: القاعات العامة :: القاعة العامة

شاطر
2011-11-12, 01:52
المعلومات
الكاتب:
اللقب:
مشرف
الرتبه:
مشرف
الصورة الرمزية

avatar

البيانات
احترام القوانين :
عدد الرسائل : 1986
الجنس : ذكر
نقاط : 4310

الإتصالات
الحالة:
وسائل الإتصال:


مُساهمةموضوع: خمسين سبب يخلوني أقولك : ((أنا مش آسف يا ريس)) 2011-11-12, 01:52



خمسين سبب يخلوني أقولك : ((أنا مش آسف يا ريس))

خمسين سبب يخلوني أقولك : ((أنا مش آسف يا ريس))
===============================
:

1) لأنك عيشتنا في جوع ومرض وحرمان 30 سنة وكنت عايز المحروس إبنك يكمل علينا 30 سنة تانيين .
2) ولأنك سبت شبابنا يموتو في قوارب الموت على شواطئ إيطاليا .
3) ولأنك سبت البطالة تحاصرنا وتخنقنا وتطلع ميتين أهالينا .
4) ولأنك سبت كلاب أمن الدولة تنهش في لحمنا وترهبنا وتنتهك أعراضنا .
5) ولأن أقسام الشرطة في عهدك بقت أوكار للتعذيب وإهانة المواطنين .
6) ولأنك سبت شعبك يسكن في المقابر مع الأموات وإنت نايم في قصرك .
7) ولأننا ما شفناش ناس بتاكل من صناديق الزبالة إلا في عهدك .
8) ولأننا ما عرفناش ظاهرة إسمها أطفال الشوارع والعشوائيات إلا في عهدك .
9) ولأننا ما شفناش ناس بتموت في طوابير العيش والغاز إلا في عهدك .
10) ولأنك خليت مهية المواطن ما تكفيهوش لحد خامس يوم في الشهر .
11) ولأنك سبت التجار يحتكروا أقواتنا ويلعبوا بينا ويرفعوا الأسعار زي ما هم عايزين .
12) ولأنك سبت مرض الكبد الوبائي ينهش في أكباد الشعب المصري .
13) ولأنك أكلتنا قمح مسرطن ، ولحوم فاسدة ، ومواد منتهية الصلاحية ، وشربتنا مية المجاري لحد ما انتشر فينا السرطان والفشل الكلوي وكل أمراض الدنيا المستعصية .
14) ولأنك سبت المزارعين إللي ما عندهمش ضمير يأكلونا خضروات مسقية بمية المجاري .
15) ولأنك سبت الحرامية ينهبو ثروات البلد وثروات الشعب ويهربوها برة البلد .
16) ولأن التعليم في عهدك بقا زبالة .
17) ولأن الرعاية الصحية في عهدك بقت زبالة .
18) ولأن الزبالة وطفح المجاري في عهدك بقا الصفة المميزة للشارع المصري .
19) ولأن كل حاجة في عهدك بقت ملوثة .. الهوا ، والمية ، والنيل ، والشوارع ، والسياسة ، والفن ، وحتى ضماير الناس بقت ملوثة .
20) ولأنك حرمتنا من الحرية ، وزورت الانتخابات ، وسلمت البلد للبلطجية يتحكموا فيها .
21) ولأنك سبت حرامية السلطة يبيعوا ممتلكات مصر وأراضي مصر بأبخس الأثمان للتجار والمستثمرين .
22) ولأن في عهدك بقى الشعب يموت بالميات والآلاف في العبارات ، وفي حوادث القطارات ، وتحت أنقاض العمارات وصخور الجبال .
23) ولأنك خليت شوية عيال يحتكروا الحياة كلها في مصر ويقسموها بينهم وكأنها عزبة ورثوها من أهاليهم .
24) ولأن في عهدك بقت مصر من أكتر دول العالم نسبة أمية وناس عايشة تحت خط الفقر .
25) ولأن الفساد في عهدك بقى للركب ... (بشهادة سكرتيرك الدكتور زكريا عزمي) .
26) ولأنك بعت الغاز للصهاينة بأبخس الأثمان .
27) ولأنك سمحت بالسطو على أموال التأمينات والمعاشات والتلاعب بيها .
28) ولأنك سمحت بالسطو على أموال مكتبة الإسكندرية .
29) ولأنك عيشتنا 30 سنة تحت حكم قانون الطوارئ وكأننا أعداء ليك مش شعبك اللي المفروض تحميه وتسهر على راحته .
30) ولأنك سبت كلاب أمن الدولة يزرعوا بذور الفتنة الطائفية بين أفراد الشعب المصري الطيب المسالم علشان يقدروا يسيطروا عليه .
31) ولأنك حرمت مصر من واحد من أهم مصادر الدخل وتشغيل العمالة وهو زراعة القطن ، إللي كان قبل عهدك أفضل قطن في العالم .
32) ولأنك خليت شعبك يشرب المية من الجراكن ، ويستنى فناطيس المية يا جت يا مجتش ، والنيل ماشي قدام عينيه وهو عطشان ، وزرعه عطشان ، وكلاب السلطة عمالين يسقوا ملاعب الجولف بتاعتهم من مية الشعب المصري الغلبان .
33) ولأن مصر ، بلد النيل ، ما عرفتش حاجة إسمها (الفقر المائي) إلا في عهدك .
34) ولأن مصر ، بلد النيل ، والسد العالي ، والتربة الخصبة ، بقت تستورد في عهدك القمح وكل المحاصيل الزراعية الأساسية بالمليارات ، والفلاح المصري الغلبان مش لاقي ياكل .
35) ولأنك أغرقت الفلاحين المصريين في الديون وفوائد الديون وأدخلتهم السجون .
36) ولأنك سبت حرامية الأراضي يجرفوا الأرض الزراعية اللي حيلتنا ويحولوها لعمارات ومنتجعات .
37) ولأنك اتغاضيت عن تدمير الثروة السمكية ، وأجبرت الصيادين إنهم يسافروا لحدود الصومال ويعرضوا نفسهم لخطر القراصنة .
38) ولأن الطبقة الوسطى اختفت في عهدك ، وبقى الشعب المصري متساوي في الفقر ، المتعلم زي الأمي، لا مال ... ولا حياة كريمة ... ولا أي أمل في المستقبل .
39) ولأن في عهدك ضاع البحث العلمي ، وهاجر العلماء للخارج ، وخرجت الجامعات المصرية من التصنيف الدولي لأفضل الجامعات .
40) ولأنك ضيعت أموال الشعب المصري في مشاريع فاشلة في توشكى ، وترعة السلام ، وشرق العوينات ، وغرب خليج السويس ، ومشروع الفوسفات .. وغيره ..
41) ولأن التحرش الجنسي ، والبلطجة ، وفساد الذمم والأخلاق كان سمة أصيلة من سمات عهدك .
42) ولأن محصلش في تاريخ مصر إن القضاة انضربوا واتهانوا على يد قوات الأمن إلا في عهدك .
43) ولأنك سمحت بمحاكمة المواطنين المدنيين في محاكم عسكرية .
44) ولأن كرامة المواطن المصري برة بلده ما تهانتش واتمسح بيها الأرض إلا في عهدك .
45) ولأنك اتغاضيت عن قيام إسرائيل بعمليات قتل متعمد للمواطنين والأطفال المصرين على حدود سينا .
46) ولأنك أوقفت التحقيق في جريمة قتل الصهاينة للأسرى المصريين في حرب 67 .
47) ولأنك حرمت جنود مصر (الصعايدة والفلاحين) إللي ضحوا بأرواحهم في حرب 73 ، وحطموا خط بارليف ، وعبروا القناة ، ورفعوا علم مصر ، حرمتهم من أي تكريم ، وسبتهم يعيشوا هم وعوائلهم عيشة الفقر والجوع والذل ، وإنت كل سنة بتتكرم بالنيابة عنهم .
48) ولأنك احتكرت نصر أكتوبر لنفسك ، وألغيت ذكر كل القادة التاريخيين العظام إللي صنعوا النصر (وكانوا رؤساءك في معركة العبور) ، وحرمتهم هم كمان من أي تكريم .
49) ولأنك حاصرت أهلنا في غزة ووطيت راسنا قدام أشقائنا العرب .
50) ولأن مكانة مصر في عهدك على المستوى العربي والإفريقي والدولي بقت في الحضيض .

ولما نزلنا للميدان نشكيلك همنا وإحنا فاتحين عقولنا وقلوبنا لكل كلمة منك ممكن تطيب بيها خواطرنا وتطمنا بيها على مستقبلنا ، رديت علينا بالرصاص وبقنابل الدخان ، وسبتنا نتسحل وننداس تحت عربيات الأمن المركزي ، وسلطت علينا بلطجية نظامك يضربونا بالطوب والشوم وقنابل المولوتوف .

علشان كدة ، أنا مش آسف يا ريس ... بجد مش آسف ... علشان إنت كان لازم تمشي من زمان ، وتتخلع من زمان ، وتتحاكم من زمان .




الموضوع الأصلى : خمسين سبب يخلوني أقولك : ((أنا مش آسف يا ريس)) المصدر : منتديات رأفت الجندى الكاتب : أبو حفيظة


توقيع : أبو حفيظة








2012-02-25, 12:44
المعلومات
الكاتب:
اللقب:
جندى مشارك
الرتبه:
جندى مشارك
الصورة الرمزية

avatar

البيانات
احترام القوانين :
عدد الرسائل : 165
الجنس : انثى
البلد : egypt
الهوايه : good
نقاط : 165

الإتصالات
الحالة:
وسائل الإتصال:


مُساهمةموضوع: رد: خمسين سبب يخلوني أقولك : ((أنا مش آسف يا ريس)) 2012-02-25, 12:44



خمسين سبب يخلوني أقولك : ((أنا مش آسف يا ريس))
ابدعت في الطرح
جزاك الله خيرا
طرح رائع
تقبل/ي مروري




الموضوع الأصلى : خمسين سبب يخلوني أقولك : ((أنا مش آسف يا ريس)) المصدر : منتديات رأفت الجندى الكاتب : روح الصداقة


توقيع : روح الصداقة







الــرد الســـريـع
..





Loading...