raafat2.com
تتمنى إداره منتديات رأفت الجندى لجميع الأعضاء والزوار إقامة طيبه معنا ونسأل الله لكل عضو أن يفيد و يستفيد والله الموفق أخبار الإداره



أهلا وسهلا بك إلى منتديات الجندى التعليمية - رأفت الجندى.
أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، وفي حال رغبت بقراءة المواضيع والإطلاع فتفضل بزيارة القسم الذي ترغب أدناه.

الرئيسيةبحـثالأعضاءالتسجيلدخولاليوميةس .و .ج

منتديات الجندى التعليمية - رأفت الجندى :: القاعات العامة :: القاعه الأدبية :: الشعر والخواطر وعذب الكلام :: قاعة الشاعر عطية الخضرى

شاطر
2018-07-01, 04:06
المعلومات
الكاتب:
اللقب:
جندى نشيط
الرتبه:
جندى نشيط
الصورة الرمزية

avatar

البيانات
احترام القوانين :
عدد الرسائل : 316
الجنس : ذكر
العمر : 53
البلد : egypt
العمل : موجه انجليزى ثانوى
الهوايه : كتابه الشعر
نقاط : 826

الإتصالات
الحالة:
وسائل الإتصال:


مُساهمةموضوع: أنا عريان ومحتاجك تغطِّينى 2018-07-01, 04:06



أنا عريان ومحتاجك تغطِّينى
أنا عريان
ومحتاجك تغطِّينى
ماهيش نافعه بطاطينى
أنا مكسور
عشان شوقى مطاطينى
عشان بعدك انا حاسس
بطعم الذِّله من طينى
انا شوقى للقياكى
كبير عنى موطينى
انا محتاج تحاوطينى
لجواكى تُحطينى
وتأخدى بأيدى للدنيا
تخطينى
أنا عطشان
ومحتاجك هتسقينى
أنا تايه ومحتاجك هتأوينى
هتتخلى ف يوم عنِّى
تسيبينى؟
ولاهتحنى عليه ف يوم
وتدِّينى
ومتضايقيش

أكيد عاوزه اللى أنا عاوزه
أكيد حاسه اللى أنا حاسه
أكيد نفسك تواعدينى
وبكل الحب تهدينى
ومحتاجك تحبينى
بشوق الحب ضمينى
وجوه القلب خبينى
انا محتاج تعاهدينى
لجواكى وتاخدينى
انا محتاج اقضى معاكى لو ساعه
تكون عمرى مع سنينى
توانسينى
تأنسينى
تنسينى
تحسينى
تعيدى الضحكه لسنينى
يعود دمى لشرايينى
وكل الحب تدِّينى
انا مجنون بحبك صدق
بضمك ليِّه عالجينى
انا تعبان وبتعذب
م الشوق اللى كاوينى
أنا بعدك بيأذينى
لكن قربك بيحينى
انا نفسى ادوب فيكى
ولاحدش يلاقينى
انا شوقى كبير عنى
ومهما اكبر بيبكينى
انا نفسى ابوسك موت
ونفسى اموت
وانا جواك يانور عينى
انا عاشقك بتكوينى
ونار العشق تكوينى
وانا حضنك علاج ليِّه
يصحينى
وانا بحلم وانا صاحى
بلملم قلبى وجراحى
واقول يمكن يحن ف يوم
يواسينى
يشيل همى وللدنيا ينسينى
انا نفسى ابوس قدمك
ابوس رجلك ابوس بطنك
ابوس صدرك
ابوس شعرك ابوس ضهرك
ابوس كُلك
وأدوب فيكى وتاخدينى
انا حاسس هموت بعدك
ولو مره تفارقينى
انا نفسى اشوفك بس لو ساعه
وادوق فيكى النعيم كله
وبرضه مش هيكفينى
ابوس ايدك تقابلينى
وكل الحب تدِّينى
انا حبك نعيم روحى
وحبك منهجى ودينى
لكن حبك بكل الحب انواعه
لحب الروح
وكمان جسمك
مع روحك
واول مره اقولهالك
انا حبيت شياطينى
أنا عاشقك
عشق الروح اللى مالوش اخر
كمان عاشقك عشق الجسد
وبرضه كمان عندى مالوش اخر
برغم الجسد فانى
وبرغم انتى اللى عارفانى
وماليش غيرك حبيب تانى
ياضى لعمرى وسنينى

عشان عاوزك
بكل المعنى للكلمه
وياريتك تعوزينى
خدينى ليكى شدِّينى
ودا حلمى
ودا املى
ياريتك بس ترضينى
اشوفك بس لو ساعه
هتحيينى
ولما ابعد ف يوم عنك
تحاوطينى
وتأخدينى تدفِّينى
تجاوبينى
عشان بعدك هيقتلنى
هموت منه
بقولك قبل تكفينى
صحيح ساعه ماهيش كافيه
لكن هرضى وتكفينى
اكيد عارفه اللى حاسس بيه
بقولهالك وحملى كبير
ومستني تلبينى
وانا عارف ومهما اعمل
ومهما اقول
مسامحانى
وعذرانى
وحسَّانى
وفهمانى
مليش غيرك حبيب تانى
انا محتاج اقابلك بس
قبل ما اموت
ويسعى الكل
لتكفينى
ومحتاجك تسامحينى
=======
مستر/عطيه الخضرى
قلين –كفر الشيخ







الموضوع الأصلى : أنا عريان ومحتاجك تغطِّينى المصدر : منتديات رأفت الجندى الكاتب : misterattia


توقيع : misterattia




مستر /عطيه الخضرى
قلين /كفر الشيخ




أمس في 16:17
المعلومات
الكاتب:
اللقب:
جندى مشارك
الرتبه:
جندى مشارك
الصورة الرمزية

avatar

البيانات
احترام القوانين :
عدد الرسائل : 174
الجنس : ذكر
العمر : 89
البلد : مصر
العمل : مدير
الهوايه : الأداره
نقاط : 260

الإتصالات
الحالة:
وسائل الإتصال:


مُساهمةموضوع: رد: أنا عريان ومحتاجك تغطِّينى أمس في 16:17



أنا عريان ومحتاجك تغطِّينى
جزاك المولى الجنه

وكتب الله لك اجر هذه الحروف

كجبل احد حسنات

وجعله المولى شاهداً لك لا عليك

لاعدمنا روعتك

ولك احترامي وتقديري




الموضوع الأصلى : أنا عريان ومحتاجك تغطِّينى المصدر : منتديات رأفت الجندى الكاتب : أنور قاعود الصغير


توقيع : أنور قاعود الصغير







الــرد الســـريـع
..





Loading...